Katy Perry與奧蘭度布林分手　結束10年情

美國天后Katy Perry與英國男星未婚夫奧蘭度布林（Orlando Bloom）被爆分手，結束接近10年感情。知情者透露：「Katy同奧蘭度散咗，但係和平分手。依家係冇嘢爭拗。Katy當然好唔開心，但都鬆一口氣唔使經歷另一次離婚，因為嗰次係佢人生中最低潮。」Katy與英國諧星布蘭德（Russell Brand）於2012年離婚，結束2年婚姻。

知情者指Katy與奧蘭度關係已經緊張數月，因此分手早有先兆。早前已經傳出Katy因新碟滯銷，壓力爆煲，雖然奧蘭度很包容，但亦傷害兩人關係，而Katy上太空亦被奧蘭度批評為「離譜」與「令人尷尬」，引發大爭執。Katy現正將其美國加州蒙特西托豪宅租出，自己則巡迴世界開騷，知情者表示：「佢同奧蘭度一直喺另一間蒙特西托寓所居住，本身佢哋計劃喺呢間成為一家嘅新家，但計劃變咗。自從Katy開巡迴騷佢哋就分開住。」兩人育有4歲女兒Daisy，而奧蘭度亦與澳洲名模前妻Miranda Kerr育有13歲兒子Flynn。

東網網站 : https://on.cc/東網Facebook專頁 : https://www.facebook.com/onccnews/