馮允謙人過30歲變喊包　用呢招紓緩壓力

歌手馮允謙（Jay）今日（9日）到黃埔新城廣播宣傳新歌《吉卜力》，近期興起以AI生成卡通風格圖片，Jay認為有時遇到不快事情，每個人也可以靠想像力，想像美好世界，為自己放鬆，紓緩壓力。問到他怎樣減壓？他是：「自己鍾意睇電影、動畫，好似宮崎駿嘅動畫，細細個好鍾意睇《龍貓》，大個再睇就明白佢講嘅係親情、人同大自然嘅關係，睇到好感動。」他又指踏入30歲特別多感受，睇戲、聽歌也會喊，變成了喊包。

講到身為創作人可會抗拒AI？他說：「我又唔會抗拒AI，AI科技都有幫助，同埋覺得創作上AI暫時都代替唔到人情味。之前都有試吓用AI寫歌，但係寫出嚟初頭好合理，之後就寫到古靈精怪，所以情願唔用，自己寫歌嘅出發點係內心感受，同埋當時嘅靈感，覺得暫時AI代替唔到人嘅創作，但係相信有一日AI可以做到人咁叻。」

東網網站 : https://on.cc/東網Facebook專頁 : https://www.facebook.com/onccnews/