連詩雅慶囡囡1歲生日　晒一家三口全家福Warm到爆！

藝人連詩雅（Shiga）與老公陳家樂去年榮升父母，不知不覺囡囡陳星頤（Camila）今日（18日）1歲生日啦，兩公婆為囡囡慶生，Shiga於社交網大晒一家三口全家福，以及分享與囡囡的的生活點滴，認真Warm爆！

她留言：「To Our Dearest Camila，1歲生日快樂，我哋嘅心肝寶貝，多謝你揀咗我哋做你嘅爸爸媽媽，呢一年因為有你，每一日都甜到漏，你嘅笑聲教我哋咩係幸福，你嘅眼淚教我哋更勇敢，連你半夜喊醒我哋嘅時刻，你家諗番都變成咗最可愛嘅回憶，我哋會繼續陪你跌跌撞撞學行路，聽你牙牙學語叫爹哋媽咪，最緊要你健康開心、笑多啲，做個食飽瞓飽嘅快樂小豬仔，你嘅出現，等我哋成咗更好嘅大人。永遠愛你，muahhhhhhh。#陳星頤#CamilaChan#firstbirthday#繼續嘟住嘴成長。」網民大讚嘟嘴樣超可愛，不少圈中好友都有送上祝福，陳自瑤表示：「Happy Birthday，同媽媽一樣咁鍾意嘟嘴。」江若琳大讚Camila「超爆可愛」，林奕匡留言：「Sooo cute！Happy bday Camila！」

東網網站 : https://on.cc/東網Facebook專頁 : https://www.facebook.com/onccnews/