COLLAR獅城5日遊　Winka玩高空繩索睇到大家脆弱一面

女團COLLAR到新加坡拍攝的節目，《COLLAR以為去度假》最近出街，節目將播到最後一集，成員陳泳伽（Winka）在社交網長文分享對節目的不捨之情，她說：「入camp後嘅生活好滿足，我哋通山跑，每日都好準時到，我哋一齊起身，一齊化妝、一齊食早餐，互相Check大家有冇帶齊嘢，好Focus彼此嘅相處之間，雖然只有5日，但係大家都對呢5日依依不捨。」

Winka認為旅程中最深刻的是玩高空繩索，過程中看到大家脆弱與同勇敢的一面，大家也好放心將自己交托給對方，她說：「節目冇剪哂出嚟，但每個回頭望既畫面都記咗喺我個腦入面，有好多嘢都冇得返轉頭，一踏上之後就算驚，都要喊住完成，冇放棄呢個字。就算要企喺中間等，就算驚都要知咩係Teamwork，唔可以自己一個人行上安全島先。世界有太多聲音，只有企喺鋼線上嘅彼此，先知道面對緊點樣嘅難題，幸運既喺我哋有互相珍惜大家嘅心，有好好守護彼此嘅愛、良善待人同勇敢喺呢個世界需要的，望Collar嘅存在令大家都變得勇敢同有愛。」

東網網站 : https://on.cc/東網Facebook專頁 : https://www.facebook.com/onccnews/