林芊妤親自爆 老公是金龜還是食軟飯？

近日有新社交平台玩，林芊妤(Coffee)都有開帳號，而當中就以老公「食軟飯」傳聞寫了一篇長文。當中提到當年結婚時有傳媒指她老公為銀行高層，就指她釣金龜成功，到現在她靠自己開公司，就反指她老公食軟飯。

Coffee和2018年和拍拖3年的澳洲籍馬來西亞華人翟志榮結婚，之後誕下兒子翟德彥。早前她就在新社交平台出長文：「噚日喺度同老公講笑，講起之前有人話佢食軟飯，我突然醒起當初大家知道咗我要結婚嘅時候，有傳媒知道佢係銀行高層，出咗新聞話我嫁俾銀行家。跟住當時好多人話我貪慕虛榮終於俾我成功釣到金龜，之後仲傳我開公司都係老公打本俾我做先開到😂(其實開公司唔使好多錢)。到而家大家都知道我係靠自己開公司做生意，呢幾年仲做得幾好，就開始有人話佢食軟飯，要靠老婆……人只會好主觀去睇一件事。咁好似我嘅例子，點解事情就只能有咁極端兩面？一係就我貪慕虛榮，如果唔係我老公就係食軟飯？講真，老公當然養得起我，我的確可以選擇唔工作好好相夫教子，但其實女人想好好靠自己努力闖出一片天，都係一個個人選擇，我好開心自己可以賺錢買花戴。所以當有人去評論你嘅人生，請你好好記住如果你因為人哋嘅睇法而改變自己，你過嘅係佢想要嘅生活，並唔係你想要嘅生活。每個人都有自己嘅選擇，而你嘅選擇都唔需要向任何人交代♥️你嘅人生你只需要向自己交代。」