【樓市第一手｜網民熱話】一人一個長期跑輸大市屋苑 | 「華景山莊」「 比華利山」 大熱上榜？

雖然香港樓價年年上升，呎價也越來越貴，但總會有一些交通不便，配套較少的屋苑，樓價長期跑輸大市，而這種屋苑，通常只宜自住不宜投資。有網民在網上討論區，就一人一個長期跑輸大市的屋苑進行表態，最多網友認為，葵涌的華景山莊，交通太麻煩，地點又太荒蕪，而且其他屋苑近十年樓價升了數倍，華景都未過倍半，大幅跑輸大市。

網民點睇：

Wednesbury：華景太山卡又冇配套，同埋非一般潮濕，低水係有原因。

倉鼠歷奇：上網搵GOOGLE華景山莊，一睇即刻X咗一聲，點解可以起到咁無美感！

韮菜收割機：比華利山墳場真係cls，寧願要教大隔離果邊。

大力狗仔：識人19年底700 幾萬買咗華景3房，唔係低層，好似都十幾廿樓，不過係華景最遠嗰幾座，但個view 係幾開揚嘅。

索絲機械獸：星堤 09/02/2021 8座 6樓 C室 10年 810萬 918呎 1,170呎 $8,824/呎 $6,923/呎 1000呎 $8800

馬拎哥：愉景灣？絕對落後純粹自住。

密手成虧：富豪花園，超低水，樓下得間超市同7仔，買野要向左走向右走(第一城/河畔)，步程至少10分鐘，仲要無遮無掩。交通又無黨鐵，巴士又少選擇，河景係好靚，但西斜曬到HIHI。