蛋糕網店尖沙咀開設期間限定店！麻糬芝士蛋糕/視覺系 2D 蛋糕

因毛巾卷蛋糕及麻糬芝士蛋糕大熱嘅蛋糕店 My Sweet Art，早前進駐尖沙咀 K11 開設 pop-up，以十分搶眼嘅視覺系 2D 蛋糕作主打，有做成心形、立體蛋糕及 cupcake 等形狀，粗邊線條及鮮艷對比色十分有趣，任何 party 或慶祝場合一定會成為焦點。

My Sweet Art

Pop up 更有可以畀客人即場購買嘅人氣蛋糕，唔需要再等團購，包括多款口味嘅毛巾卷，仲有細細個嘅麻糬夾心芝士蛋糕，4吋 size ($108起) 最受歡迎，細細個非常 user friendly。必試剛推出嘅焦糖口味，少甜嘅牛奶麻糬有拉絲柔軟質感，配搭焦糖味蛋糕甜度十分平衡。