前無綫新聞小花騷Quali　豐滿上圍搶盡眼球

前無綫財經主播孫雪祺（Gigi）因身材出眾而備受關注，更被封為「翻版陳瀅」，雖然2023年6月宣布離巢轉做大學講師，但仍不時透過社交網分享生活點滴嘅佢，日前亦晒出一張喺車內自拍嘅火辣照，只見黑衫打扮看似低調嘅佢，但心口開窿嘅設計就炸出豐滿上圍，深不見底嘅事業線認真性感，並開心分享道：「換個路線。」

事實上，Gigi曾透露無綫新聞部對主播的衣着、言行都有嚴格標準：「我聽過話太性感嘅相就最好唔好Post，同埋可能太多新聞報道，我哋都會畀人照下肺，話你可能要低調少少。」不過孫雪祺就謙稱自己身材只是普通，但就直認曾被前公司「溫提」：「公司都有提醒過我，『你個身材比較突出，要小心啲』，但係係溫馨提示，唔係嚴重。（要小心啲咩？）唔好再Post啲Over啲嘅嘢，譬如落水、海灘，就唔可以囉。」

東網網站 : https://on.cc/東網Facebook專頁 : https://www.facebook.com/onccnews/