葉蒨文曾展望拍拖開騷　首個情人節唔知點過？

藝人葉蒨文（Sophie）自從參與無綫戀綜節目《女神配對計劃》後，工作一直接不停。目前身在內地拍攝的她，下月初將與男友曾展望，夥拍「另一對」羅毓儀、林俊其，及蔡思貝齊齊現身港州舉行「Share Me Your Love」音樂會，與一眾粉絲齊齊提前過情人節。

談到今次演出，Sophie透露：「到時一定會唱《女神》主題曲。（有冇諗點樣同曾展望度過首個情人節？）暫時真係no idea，況且睇過個工作檔期表，真係排到密密麻麻，相信到時都未必有時間慶祝。」不過眼見荷包愈來愈漲，Sophie自然「再無他求」，坦言工作愈多愈好。而曾展望早前受訪，已直言希望與Sophie暫時專注工作，待感情較穩定才決定計劃人生大事。

東網網站 : https://on.cc/東網Facebook專頁 : https://www.facebook.com/onccnews/