高鈞賢當爸了！老婆患妊娠期高血壓開刀誕重磅B女

藝人高鈞賢之前宣布與圈外女友結婚，2人更即將為人父人母，Matthew終於做爸爸了，女兒於昨日（15日）出世，出世時重7磅4，Matthew更有親自入產房剪臍帶，面露緊張又開心之情。他接受東網獨家訪問時謂：「呢幾日我都陪住太太，大家都好緊張，之前佢患有妊娠期高血壓，但都好為BB着想，醫生叫佢不如早啲開刀生，但太太都忍住，依家BB出世都好健康。」

太太開刀生B，期間Matthew一直陪伴在則，他說：「因為太太半麻醉，我一直捉住佢隻手，一推出嚟嗰下BB就喊，我哋都好感動，好似拍緊戲咁，自己都未試過有咁嘅感覺，好神奇呀！護士都讚我犀利，我一下就剪好條臍帶。」

東網網站 : https://on.cc/東網Facebook專頁 : https://www.facebook.com/onccnews/