蕭正楠首個父親節未能與囝囝過　獲黃翠如晒黑圖解思鄉之情

今年3月榮升新手爸爸的蕭正楠，因為要到馬來西亞為節目《好聲Family》第6季擔任評審，他的首個父親節，未能在港與囝囝度過，太太黃翠如於社交網晒出蕭正楠日常湊仔「黑圖」，為蕭正楠可以見到兒子而一解思鄉之情。

黃翠如寫道：「第1屆父親節黑圖日，送給遠在馬來西亞的父親，圖1：屋企兩隻肉；圖二：我唔知點解佢掃風要唱呢首歌；圖3：阿爸腳趾湊B法；圖4：腳趾對腳趾；圖5：估歌仔；圖6：依家行路慣咗跟住音樂；圖7：一路掃地，一路估歌仔；圖8：一齊瞓着咗；圖9：父親節快樂PaPa is the best」。

而獨自於馬國的蕭正楠就大晒自己坐在樓梯食飯盒的照片，留言：「如果唔係今朝收到咁多祝福，我都唔係好記得今日係第1次過同自己有關嘅父親節，吃一口印度飯為自己和其他爸爸加油。」而他亦好有心為獨自在港照顧囝囝的翠如打氣：「蕭太，繼續努力，哈哈交畀你先。」

東網網站 : https://on.cc/東網Facebook專頁 : https://www.facebook.com/onccnews/