網上熱話｜快餐店男顧客睇片自備「高檔音響」 網民：成套架餐擺晒出嚟
公共場所大聲播放音樂及影片是擾人行徑，惟常見有人旁若無人開大聲音睇手機。近日有網民目擊一間連鎖快餐店有中年男顧客邊食飯邊睇片，更自備外置喇叭，「成套架餐擺晒出嚟，高檔音響嚟㗎。」
該名網民昨日於facebook「將軍澳主場」群組發帖，可見位於一間連鎖快餐店內，一名男顧客正用膳，更自備膠盒放置一部智能裝置睇片，旁邊更放置外置一部便攜式無線藍牙喇叭。樓主稱：「以為在交通工具呀，食肆呀！啲大叔大媽開大手機聲睇片已夠煩，但今見到這叔叔就更厲害，成套架餐擺晒出嚟，高檔音響嚟㗎，極盡視聽之餘…」、「佢更進階，用埋喇叭放聲」。
帖文引起網民熱議，「乞人憎！」、「最憎，食飯開大聲手機」、「呢啲X街好自私係咪耳聾」、「帶個擴音機同佢鬥大聲」、「下次開大悲咒，開到盡」，亦有網民笑言該喇叭非高檔，亦有人指公共場所大聲播片現象愈見離譜，「其實係交通工具嗰啲都一樣係乞人憎」、「最近我坐機場巴士發現佢做得好好，佢會響個螢幕寫叫你哋唔好將個手機音響或者其他音響開大， 以免影響其他乘客，我見效果幾好，成個車程，無人製造噪音」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)