女神配對計劃｜羅毓儀沉船樣大放送 被林俊其壁咚全方位攻陷

無綫戀綜真人騷《女神配對計劃》，明晚（13日）播出第6集，本集除了有女神羅毓儀Yuki組的「三角枱約會」最終回，還會宣布首輪遊戲將淘汰哪兩名求愛勇者，還有camping玩dating環節。

在「三角枱約會」最終回，原本對林俊其Kris充滿戒心及疑心的羅毓儀Yuki，最後竟然因為「壁咚」遊戲失守，連環放送沉船Cutie樣，全程不敢睜眼兼瘋狂避開男方視線，最搞笑是她偶爾眼仔睩睩偷望，面紅耳熱勁誇張。

Yuki面對「Kris式壁咚」，反應與面對醫美太子爺Kenneth及好友T.Max明顯不同，Kris都還未「埋位」，Yuki已大叫：「救命我想走！」一開始已迴避Kris問題：「咩呀？」、「我聽唔明，你講多次」；跟住Kris索性單刀直入問：「咁係咪即係承認對我有心動過？」原本已不知怎辦的Yuki，聞言笑出聲，笑到掩嘴兼耷低頭，對於Kris的層遞式進逼，Yuki只能投降大叫：「吖！救命呀！」

嚇到三魂不見七魄的Yuki，以「唔係呀」虛弱反擊，說畢望了Kris反應，但很快移開視線，並說：「我冇心動過，冇呀冇呀！」但憑她望向Kris的眼神，少女心事明顯，最後為幫自己打圓場，Yuki說：「救命呀，我走先，要匿埋。」

T.Max在「壁咚」出盡板斧企圖挽回一城，他先以「猛虎射球」般的氣勢將Yuki逼埋牆，再使出早已預備好的秘密武器「排球少年扭蛋公仔」，向Yuki誠心誠意說出「愛的告白」：「我記得當初我喺日本時應承你，我要將呢一個畀你，但𠵱家少咗一隻，我希望有機會可以同你一齊去日本，一齊扭番淨低嗰隻…你係令到我想重新相信愛情嘅人。」

雖然Kris冧到Yuki氹氹轉，但面對T.Max的真誠強攻，在最後這個「壁咚」亦很難說會勝出。當Yuki逐一點評3名組員壁咚表現時，竟連環急口令式向Kris拋出至少10句「好衰呀」﹗

今集花生團江美儀、黎諾懿及黃嘉雯，會選出2名被淘汰者，據知美儀姐及黃嘉雯、與諾懿在人選方面出現嚴重分歧。

（即時娛樂）