盧瀚霆做完手術約1周 正在康復中 步履稍慢要隊友攙扶

MIRROR的「妹豬組」今天（25日）出席《呂濤米Lo Seoul》旅友旅途分享會，成員盧瀚霆（教主，Anson Lo）日前自爆因身體問題休息了1星期，其間不能做Gym﹑跑步及學唱歌，雖然身體未完全康復，但他如常偕隊友姜濤﹑呂爵安和李駿傑（Jeremy）出席，有指公司為免教主太疲勞，安排他在活動上坐輪椅現身。

今天教主如常現身，不過並沒有坐輪椅，但教主明顯步履緩慢，不時掩着腹部位置，有時稍為大動作，他疑似痛到擘大口，在旁的Jeremy暖男上身，輕扶教主坐低，活動司儀也叫教主報平安，他說：「我啱啱做完手術一個禮拜左右，𠵱家康復中，無事嘅，我仲可以喺度見到大家，唔好意思，今日我哋形式有啲改變，為各方單位都好抱歉，多謝大家體諒同嚟見我哋，我哋一齊加油。」

（即時娛樂）