網上熱話｜蒲台島海灘驚現懷疑擱淺私煙 行山女：成件事好毒梟

蒲台島海灘驚現大批懷疑私煙擱淺。

一名女子昨日（8日）於社交平台Threads發文指，近日在蒲台島上行山時見到沙灘上散落數十條香煙，上載現場的多條短片和相片，形容「行山驚見一堆私煙擱淺，成件事好毒梟」。從影片中可見，在一個沙灘的岸上，地上散落大批原條香煙，目測每條10包。該名女子更即場「開箱」拆去透明包裝紙，從一包散裝香煙中拿出兩根，之後隨即掉到地上。

網民：「海鹽味焦油」

有網民看過帖文後留言笑稱「唔知曬返乾食唔食得？」、「依啲煙，香港好少見，懷疑係假煙，拎出嚟曬一囇，可能有啲海鹽味」、「海鹽味焦油」、「可能多咗海鹽／魚蝦蟹味喺入邊」、「日本煙真係有呢隻味（海鹽味）」；有網民也有人想起了電影《門徒3》或《無間道》的劇情，上載「傻強掉晒啲貨落海」和「有內鬼終止交易」的劇照，還笑言樓主「你知得太多啦！」；有人估算「目測白賺2皮（2萬元）」、「地址呢，我幫你報警」、「其實使唔使報警？」。有網民更分享親身經歷「前年喺大陸陽江出船釣魚，喺遠海度見到個大木箱，船長用繩拉喺船邊開箱，開咗個角仔，見到兩隻獅子企喺地球兩邊，嚇到佢剪繩飛返埋岸」。

罪成最高可被判囚兩年

樓主懷疑現場的香煙為「擱淺私煙」。海關強調，走私屬嚴重罪行。根據《進出口條例》，任何人輸入或輸出未列艙單貨物，一經定罪，最高可被判罰款200萬元及監禁7年。此外，根據《應課稅品條例》，任何人若處理、管有、售賣或購買私煙即屬違法，一經定罪，最高可被判罰款100萬元及監禁兩年。海關表示，市民可致電海關24小時熱線182 8080，或透過舉報罪案專用電郵帳戶（crimereport@customs.gov.hk）或網上表格（https://eform.cefs.gov.hk/form/ced002/tc/）舉報懷疑私煙活動。

點擊觀看片段

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)