46歲鄭世豪做企業堷訓　8年「細龍生」經驗學以致用

鄭世豪在TVB處境劇《愛．回家之開心速遞》中飾演「細龍生」一角深入民心，不過早前已經約滿，離開效力24年的無綫。離巢後他不時在社交平台分享生活及工作，早前就分享一張穿上恤衫西褲皮鞋的相片，原來變身「企業培訓師」。

鄭世豪留言：「改變，不一定有劇本，但只要你堅守角色，故事自然會展開！如果你未認識我，我係鄭世豪。Hoffman，一位從事演藝工作25年嘅演員。我起步於對唱歌嘅熱愛，然後慢慢愛上咗舞台上、鏡頭前每一個說故事嘅瞬間。每套劇、每部電影，大家都會容易記住主角。但事實係，冇一個完整嘅故事可以冇配角。每一個角色、每一分努力，都為成就整個作品而存在。呢個唔止係演藝界，其實人生都一樣。你未必時時都喺聚光燈下，但如果你清楚自己嘅價值，願意付出、堅持信念，機會自然會搵到你。世界會回應你，會為你展現新方向。改變，其實由你真心演好自己嘅角色開始！不論大小，都值得你認真去活出來。問一問自己，有咩值得你堅持呢？」最後tag了「企業培訓師」，而說到企業經營經驗，鄭世豪令人想起就是在劇集中演了接近8年集團太子爺「細龍生」。