周奕瑋寓工作於娛樂　日本開工趁機吃喝玩樂

「日本通」周奕瑋（Jarvis）經常要飛到日本各地公幹。月前宣布已於當地榮升業主的他，近期更獲邀擔任連鎖民宿集團代言人，最近他便抽空再抵大阪，拍攝相關的宣傳短片及花絮。談到今次的拍攝工作，Jarvis笑說﹕「嗰幾日我要經常『搬竇』，拍每間民宿唔同嘅特點。今次同平日住酒店最大嘅分別，就係每間房都有個廚房，我咪走去超市閒逛，學人買餸煮飯囉，揀啲平靚牛肉番去整壽喜燒自娛，有時深夜肚飯又好free咁去淥杯麵，哈哈﹗」

此行Jarvis更爭取時間寓工作於娛樂﹕「我偷雞去咗玩主題樂園，但又唔想額外畀錢買快證，覺得好貴嘛，所以晨咁早就衝去等開門，最尾只係花咗約400蚊港幣就玩到嘞，覺得好抵囉﹗同埋我都有去一間好出名嘅串燒店幫襯，又周圍打咭影靚相，都算好盡興。」

東網網站 : https://on.cc/東網Facebook專頁 : https://www.facebook.com/onccnews/