新歌跟抄襲風波藝術家合作 aespa新預告照輕露膊頭及腰

去年出道的韓國女團aespa今日凌晨在社交平台再上載新一輯新歌預告照，跟日前的「4人4色」相片不同，今次成員分別站在相似的粉紅色背景前。雖然服裝依然行特別風格，同一件衫有齊不同布料，不過4位成員都Carry得好好，露吓膊頭同腰咁，Keep住好靚。aespa出道歌《Black Mamba》MV捲入抄襲德國藝術家Timo Helgert疑雲，MV背景與Timo在IG發佈過的視覺藝術作品十分雷同，包括在車廂內舖上草皮及花、以及有巨蛇爬過。不過之後設計師突然改口收回言論，日前更被揭雙方在今次新歌合作，推出第一輪預告照。第三首新歌《Next Level》會在下周一（17日）推出，唔知新相仲有冇4人嘅對應虛擬角色一齊「合照」呢？