《熱帶往事》演繹工人角色激減35磅 彭于晏肌肉冇晒瘦到見骨
39歲彭于晏向來型英帥，Body更加唔使講，男神之名實至名歸。佢主演嘅懸疑電影《熱帶往事》將於6月12日在內地上畫，彭于晏飾演嘅冷氣工人王學明、張艾嘉飾演嘅寡婦粱媽以及另一名警官捲入一宗兇案，從此3人命運糾纏。電影花絮片段中見到男神瘦到落晒形，雙頰凹陷，要望多兩眼先認到，Fans睇到好心痛！
花絮中飾演冷氣工人嘅彭于晏有好多埋身肉搏嘅打鬥場面，仲打到滿身傷見晒血，一場淋浴戲脊骨盡現，呈現何謂「皮包骨」。原來搞成咁全因為男神為演繹冷氣工人一角花時間去觀察，了解冷氣工人身形都係偏瘦，因而主動將體重減去35磅，創下成年後體重最低紀錄！導演溫仕培表示，彭于晏為配合角色不惜以脫水狀態拍攝，開拍前幾日堅決唔飲水，口渴到頂唔順時只𠺘下口就即刻嘔返出嚟，相當敬業！