李漫芬搭港鐵去主題公園初體驗：原來好快

藝人李漫芬（Fanny）尋日生日，由於老公要返工嘅關係，所以佢哋之前已經提早食飯慶祝，Fanny將相片上載至社交網，留言話：「老公要全日上班，就提早今天在他放假去慶祝，去九龍城我喜歡的小店午飯，老公之前問我生日要甚麼 ，其實我最重要的都在眼前了， 只要您們平安健康就好了，還有希望媽媽健康開心。。謝謝老公送我一直很想買而不捨得買的古着小包包，有一件東西紀念一下就好了 。。。 知足常樂 。。。」

到咗尋日正日，Fanny就同囡囡談在心留喺屋企等老公放工，Fanny接受東網電話訪問時表示，自己同老公嘅生日只係差距一星期，所以日前兩公婆帶埋囡囡去主題公園玩，佢笑言：「因為生日可以免費入場，又有免費蛋糕仔，同埋第一次搭公園嘅地鐵，原來好快㗎，係好好嘅體驗！」

東網網站 : https://on.cc/

東網Facebook專頁 : https://www.facebook.com/onccnews/