傳已婚潘梓鋒同吳紫韻發生地下情？女友「密會」鄒兆霆扯火發生肢體碰撞

有份主持節目《東張西望》的無綫男主持潘梓鋒（Bryan）早前被傳因為跟圈外女友的前度發生肢體碰撞而被捕，更被公司即時停工，事後再有消息指原來Bryan早就結婚及育有一女，而出事當日正正是跟老婆前度打架，但後來又傳他跟老婆早就分居年半，正在離婚手續，事件錯綜複雜。

去到今日又有新「花生」，指Bryan跟有份主持節目《3日2夜》的吳紫韻（Purple）搞地下情，打架當日其實是吳紫韻疑似背住Bryan相約有份演出《愛．回家之開心速遞》「賈明昇」一角的鄒兆霆到屋企作客食飯，令Bryan誤會女方出軌而上門「捉姦」，一怒之下再發生肢體碰撞。但當事人吳紫韻就澄清自己同Bryan只是同事關係，二人只在公司聚會見過，對於傳聞感到錯愕。