【星期日睇乜好】《TENET天能》影評：犧牲「好睇」，成就出「時空革命」？
《TENET天能》影評，按現今慣例不劇透，大概可以寫幾點。
1）Top 5：以個人Nolan電影喜愛度來計，《TENET》不入Top 5，但一樣咁好睇。就算我覺得Nolan「最差」的《白夜追兇》（Insomnia），都一樣咁好睇。
2）007：Nolan一直想拍007，他沒份拍，今次用《TENET》來滿足自己想拍間諜片的願望，有基本諜戰元素，有「邦女郎」，有dirty joke，但男主角不夠型，不夠說服力。（但Nolan想借男主角唔夠聰明，帶出無知先係最大優勢同彈藥）
3）主角：《TENET》主角冇名！Nolan說過，諜戰片主角通常冇名，所以這樣做。近日翻看了《Fight Club》，兩者亦有相似的意味。
4）吸血仔：We live in a twilight world。呢句係咪襯番「吸血仔」Robert Pattinson？睇完《TENET》，一定會對「吸血仔」改觀，對他接任蝙蝠俠大有幫助，Nolan真是蝙蝠之王。
5）熵：每次睇到個「熵」、「鈽」字，肯定覺得好複雜，但「試著不要理解它，去感受它」。（其實果啲字係咩，寫錯都根本唔重要）
6）What happened is happened：睇過《Dark》大概知道，沒有他都會有別人，你我避免不過，「會發生的就一定會發生」。至於未來有否被改變，who knows，但首先要有這個概念很重要。
7）逆轉：電影中最燒腦，最誇張是「逆轉」。Nolan說，「如何」逆轉時間並不重要，「為何」逆轉時間才是重要。又一新概念！
8）自由：既然不知道如何逆轉時間，如何改變未來，就試著感受它。電影教人要講直覺，講自由意志，深明大義。
9）核武：電影重點講核武器，現今9個核武國的危險，對著家鄉英國，荷里活重地美國等等，一樣有諷刺意味。告誡現今人類要小心核武，要小心環保，要為未來人類帶來好的世界。深明大義x2。
10）革命：最後發現，Nolan目的不只是拍一部好看的電影，或者不再是目的，犧牲「好睇」這個元素，而是透過拍電影去探討一場關於時間、時空、核武、人類毁滅的革命，好癡線。