李多慧喱士蒙眼性感上陣　火辣舞姿被嘲賣騷舞團

韓籍啦啦隊女神李多慧，年初宣布過檔「小龍女」擔任Captain一職後，負責舞蹈及服裝安排嘅佢，日前終於同一眾隊友隆重登場，並着上由李多慧精心設計嘅性感演出服，大跳火辣熱舞外，白色喱士蒙喺眼嘅造型，更增添一份魅惑神秘感。

而隨着現場音樂響起，一眾啦啦隊靚女唔止隨着音樂扭動螞蟻腰，仲烏身倒奶趷籮柚，令人睇到血脈沸騰眼都唔識眨外，亦引嚟唔少網友大讚李多慧編舞唔止創新，仲全面提升咗味全龍嘅舞蹈水準：「多慧在的地方就是C位，太吸人眼球了！」、「多慧舞蹈品質保證！」、「龍女變強了。」；不過有讚自然就有彈，亦有網友對李多慧嘅舞蹈編排唔滿意道：「口味愈來愈重，愈來愈走鐘了，球場會有家長帶小孩去看球，此風不可長！」、「期待的是青春洋溢的應援舞蹈。」、「愈跳愈騷，感覺應該在酒店跳。」、「已經走味成賣騷舞團。」

東網網站 : https://on.cc/東網Facebook專頁 : https://www.facebook.com/onccnews/