陳彥行凌晨爆Seed被20年知己出賣：沒信任可言

曾被TVB捧為「無綫五美」之一嘅陳彥行，現年47歲嘅佢早前被爆出秘密產女，並就讀名校幼維多利亞國際幼稚園及幼兒園，每年學費更高達11萬港元。事後，陳彥行雖然透過社交網大方分享愛囡照片，承認早已升呢為人母，但對於女兒生父嘅身份，陳彥行僅以一句：「只是一位簡單低調的圈外，沒甚麼特別的。」對此，亦有指陳彥行嘅另一半其實係一位藝人嘅司機，而喺2人初相識時更被陳母極力反對，但最終陳母亦逐漸軟化接受。

然而，日前（4日）晚上陳彥行突然透過社交網爆Seed道：「人與人之間已經沒有甚麼信任可言了，認識了20年的朋友也會出賣你，人生又上了一堂課。」引嚟唔少網友關心道：「日久見人心，加油！」、「行姐要堅強，人心難測。」、「開心啲！有家庭有女萬事足！」、「唔好唔開心，加油行姐！」

東網網站 : https://on.cc/東網Facebook專頁 : https://www.facebook.com/onccnews/