記者：你同夏蘭特好有默契，算唔算係一見鍾情？迪布尼：唔係呀，我好愛自己老婆

曼城中場迪布尼出席賽前記者會就話「我係曼城已經八年時間，呢度發生過好多精彩時刻。雖然我哋曾經殺入過歐聯決賽，但係都未贏到歐聯冠軍，呢樣仲係大家唯一比到我哋嘅批評。我哋一直都有穩定，我哋需要搵到方法去贏第一個歐聯冠軍，因為呢樣對於球員、球隊同球迷都係非常重要🥹。」

迪布尼之後被問到自己同夏蘭特嘅默契算唔算係一見鍾情，呢位比利時🇧🇪中場就話「唔係呀，我好愛自己老婆，我只可以話理解夏蘭特想要咩，而我哋真係好夾，而係夏蘭特係最近比賽以唔同方式發揮重要作用，希望佢係呢場決賽做返自己擅長嘅嘢🙂。」

迪布尼最後就話「我哋唔會期待今場比賽會有好多入波，因為呢件事係決賽好少發生，我哋唔應該太過緊張，我哋一定要跟返自己風格踢波，保持耐心，希望盡快搵到入波機會😊。」