方力申爆太太佗B 8個月緊急入院　超粗注射照曝光

方力申今年情人節宣布結婚，6月時更開心表示太太葉萱（Maple）懷孕，並將於12月榮升人父。準爸爸方力申指葉萱佗女，雖然怕血但都會陪太太入產房，又陪葉萱做產檢等，點知葉萱近日身體不適，更要緊急送院！

方力申前日（1日）晒出限時動態留言，指太太原來忽然頭暈，家人即急急送佢入院，始發現係唔夠鐵質致血壓低：「原來孕婦唔夠鐵質會頭暈（血壓低）。佢尋日見暈，舒醫生叫佢今日入院『補鐵』，而我全日要工作，麻煩我嘅姨仔了」惟方力申當日要開工未能陪同愛妻，但字裏行間流露出擔憂之情。

只見影片中，方力申為葉萱遮樣，但仍見見佢瞓喺病床，手背插住針正在輸入靜脈注射鐵劑，望落似足輸血一樣。片中有一把女聲指針頭好粗，問到葉萱痛唔痛，有冇有說話想同老公講，葉萱即開聲：「快啲返嚟！」方力申聽完一定好心痛。

東網網站 : https://on.cc/東網Facebook專頁 : https://www.facebook.com/onccnews/