要「胸」唔要兇！麥紫莉挾強勁上圍做阿嫂

2017年聲稱會去日本拍AV，最終以鬧劇收場的藝人麥紫莉（Chili），近日有份參演ViuTV劇集《太平紋身店》，當中更有性感火辣場面，她表示：「上年3月接到邀請，想搵我做個黑幫嘅女朋友，我當時仲諗：『係咪要好兇神惡煞？定係要好寸，化晒濃妝Smoky Eyes嗰隻？』劇組話佢哋討論選角時已經指定要我做，因為角色需要性感！其實冇諗過自己嘅『胸器』可以令大家印象咁深刻，我亦唔介意大家將我同『胸器』相提並論，因為佢的確係我身體一部分，我好引以為傲㗎！」

Chili拍攝當日性感上陣，不過劇組照顧周到，埋位才叫她到天台，以免她冷親。她坦言今次是從影以來最大膽一次：「今次拍攝好激呀！雖然冇真咀，但係貼到好埋。我冇呢方面經驗，好在導演喺緊張關頭嗌Cut，唔係我嘅螢幕初吻就咁冇咗啦！」

東網網站 : https://on.cc/

東網Facebook專頁 : https://www.facebook.com/onccnews/