超強大!高纖王奇亞籽減肥一流 低卡!減肥!便便暢通! 浸到起膠就食得
奇亞籽(Chia Seeds)，係呢幾年Hit到爆嘅SuperFood之一，價錢唔貴，幾十蚊就有交易～除咗夠晒低熱量仲富含Omega 3、蛋白質同埋水溶性纖維～對排便真係好幫得手～
遇水膨脹嘅奇亞籽浸到起膠就食得～仲好有飽足感㖭～雖然網上唔少人話可以直接食用～不過好似小編咁易胃痛嘅朋友就記得浸水先好食啦～
早上趕住出門？一起身直接將奇亞籽浸水，放一陣記會開始成膠狀，直接飲又得，加啲蜜糖甜甜地飲又得！
想味道豐富又強啲時間，早上起身即刻打杯果汁再浸埋奇亞籽～都係個唔錯嘅選擇嚟㗎～
有心思嘅朋友絕對可以早一晚將奇亞籽浸落牛奶/豆漿度，起晒膠再二入雪櫃一晚～加返啲生果做Topping～又呃Like又健康！
前一晚有時間浸咗，仲可以加多啲唔同嘅水果同麥片，增加多啲唔同嘅配搭，就算早餐都可以食得好豐富㗎～
如果屋企有麵包機嘅朋友不如又試吓浸完奇亞籽之後，放入麵團度一齊整！多一份口感之餘仲可以增加包嘅香味～