姜濤領軍踩入電競音樂節 用懷舊街機打《拳皇》
數到香港最矚目最大型的電競盛事，不得不提即將在7月26日於灣仔會展舉行的電競音樂節，今年除了可觀賞到4大電競賽事，還新增了體驗專區，有齊刺激的VR射擊、賽車game和懷舊街機，即睇電競音樂節的4大焦點，各位機迷不容錯過。
1. 首辦《英雄聯盟》國際級賽事
每年電競音樂節高手雲集，今屆更首次邀請了來自多個國家和地區的12支精英高校隊伍，參加《英雄聯盟》全球高校冠軍盃，真正是高手過招，機迷要把握機會到場偷師，學返一招半式。另外還有《CS:GO》、《王者榮耀》和《絕地求生》的比賽，想見證皇者誕生，記得參考官網的活動時間表。
2. 懷舊街機經典重現
睇完比賽，電競迷少不免會「手痕」，自己都想打埋一份，所以大會特別新增體驗專區，讓觀眾也可以過手癮。想和朋友對戰可以玩VR射擊遊戲，追求速度感可以挑戰賽車game，想回味舊時在機舖打機的感覺，現場亦有3部經典街機，玩齊《街頭霸王》和《拳皇》，是不是很懷舊呢？
3. 達哥VS加蔥 KOL紅白對抗賽
達哥、加蔥、熊仔頭等網絡紅人亦會現身和一眾機迷互動，在電競舞台上決一高下。紅隊隊長加蔥平時變魔術就叻，唔知打機又掂唔掂呢？而白隊隊長達哥休台了一段時間，面對加蔥挑戰，又驚唔驚會變「卡關達」呢？欲知戰果如何，電競音樂節自有分曉。
加蔥 Nathan Lam（@on99magic）分享的帖子 於 PDT 2019 年 5月 月 22 日 11:33 下午 發佈
卡娃依😍🥰😘💕 ! #razer #krakenquartz
達哥（@tat.gor）分享的帖子 於 PDT 2019 年 3月 月 19 日 2:45 上午 發佈
4. Cosplay大賽＋電音派對
為期3日的電競音樂節每晚也有不同主題，第一日率先有Cosplay大賽，日本人氣動漫音樂組合Angela也將現身，帶來驚喜演出。第二晚請來由韓國遠道而來的Gary，他會聯同JW、DJ King演出，壓軸一晚則有Dear Jane、Supper Moment、Mirror和Nowhere Boys，為大家送上樂隊組合表演，炒熱現場氣氛。
香港電競音樂節的門票現已可於官網購買，登記時可同時預留觀眾席座位，先到先得。另外，門票亦可同時進入動漫節，記得玩埋先走喇！
香港電競音樂節
日期：7月26至28日
地點：香港會議展覽中心展覽廳3
票價：$50
留言 2