政Whats噏： 梁君彥帶埋孫仔孫女聽音樂會 三代同堂家庭樂
唔少家長都會畀小朋友學樂器，陶冶性情，但因為家庭嘅經濟問題，冇能力畀小朋友學音樂。香港弦樂團今午(1日)喺尖沙咀文化中心舉行《賽馬會音樂能量計劃》音樂會，畀基層學童經過6年嘅學習後，向大家表演成果，立法會主席梁君彥同兒子梁宏正一家都有出席欣賞音樂會喎！
見到梁君彥帶埋兩個孫仔孫女，三代同堂一齊嚟聽音樂會。不過，音樂會開咗唔夠一半，就見到梁君彥拖住孫仔離場，之後都無返過嚟喇！唔知係咪仲有其他節目呢？
《賽馬會音樂能量計劃》由2015年開始，希望為基層小朋友提供弦樂培訓，等佢哋可以接觸同學習古典弦音，並有機會向公眾演出。
東網網站 : https://on.cc/東網Facebook專頁 : https://www.facebook.com/onccnews/