李思欣彩虹小屋滲仙氣　食完玩完再衝刺

藝人范振鋒日前正式榮升新城廣播藝人經理人及項目總監，之後計劃、工作甚多的他，趁有幾天假期，與太太李思欣齊齊到澳洲墨爾本快閃旅行。思欣日前於社交網晒出多張於Brighton Beach拍下的靚相，更開心配文：「影吓相、聽聽海風、行吓沙灘，今日出咗去第一個景點，好鍾意嘅彩虹小屋！」相中的思欣穿了一條吊帶白色裙，晒出白滑美背，仙氣十足。

思欣接受東網獨家訪問時謂：「之前我哋都去過悉尼，但就未去過墨爾本，呢度天氣好好，除咗彩虹小屋之外，之後我哋仲會去一個戶外溫泉景點，諗住周圍影吓相，食吓嘢咁，我哋都有成年冇去過旅行，今次真係要認真抖吓，之後返香港再繼續衝刺。」

東網網站 : https://on.cc/東網Facebook專頁 : https://www.facebook.com/onccnews/