王敏慈連出兩片證靚樣　放棄網紅妝竟然咁大變化

港姐季軍王敏慈喺初面試階段因靚樣出眾，未入圍就被封「翻版范冰冰」，完美外形為佢帶嚟唔少關注，雖然參賽時已有傳佢疑似整容，不過佢有口說不清。最近佢上載新片再次惹「變樣」疑雲。唔知佢係咪自己都意識到大家對佢容貌嘅討論，忽然再連續出兩條片，係佢近日嘅拍攝花絮，力證依然無走樣，仲有網民話佢依家撞樣奚夢瑤。

同時有眼利網民終於睇到「變」喺邊，原來係王敏慈最近嘅妝容上未有化上網紅臥蠶，所以令佢眼形改變，搣甩濃妝放大眼效果後，反而更自然貼地，氣質依然有仙氣，港姐季軍有保證。

東網網站 : https://on.cc/東網Facebook專頁 : https://www.facebook.com/onccnews/