網上熱話｜搭HK Express訂水遭側目 網民分享買杯麵食豬扒飯經歷力撐
港人熱愛搭飛機去旅行，不少人都會選擇票價相對便宜的廉價航空，特別是日本、韓國和台灣等短途旅行。有乘客早前乘搭廉航HK Express(香港快運)時預訂了一支樽裝水，惟聽到附近乘客竊竊私語稱「佢哋居然訂水，喺機場買咪得」。事主對此感到困惑，表示自己每逢乘搭HK Express都會訂水，更直言10元一支也不昂貴，「幾個鐘唔飲水會好唔舒服架(㗎)。」
▼網民分享買食物照片▼
網民：去旅行就要去得開心
該名乘客在社交平台發帖後引起熱議，吸引逾2,400個讚好和超過300個留言。不少人都分享在HK Express加購食物和飲品的經歷與照片，例如有網民指會在機上食魚蛋和飲汽泡酒，「佢哋會唔會覺得我係痴線㗎」，亦有留言說「早機我成日買魚蛋食，D(啲)人訓(瞓)晒我一打開就有陣咖哩味，正」、「試過坐UO叫杯麵，然後慢慢陸續聞到杯麵嘅香味」、「試過有次食豬扒飯食到周圍忍唔住勁多人食杯麵」、「去旅行就要去得開心」。
有網民就認為，廉航就是平在不設機上娛樂系統，「兩支水/魚蛋/雞蛋仔/西多剛好$100，都唔錯架(㗎)。」同時有人支持事主做法，「其實飛機係唔比買野(嘢)入去……我覺得你走灰色地帶都算，唔好話守規距(矩)既(嘅)人有問題，以為自己好醒。同埋有時我唔想帶咁多野(嘢)入去都會買果(嗰)支$10水」、「覺得啲人咁多意見好煩好多事」、「我之前搭UO見到有人訂水都好驚訝，返去查先知原來只係10蚊，即刻覺得訂水嘅人好醒。」
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)