黎瑞恩見證女兒大學畢業感觸爆喊　曾嫁入豪門離婚後獨力照顧仔女

90年代玉女歌手黎瑞恩當年在事業高峰，選擇為愛淡出，與金利來太子爺曾智明（Ricky）結婚，婚後兩人育有大女曾凱栭（Sheree）和細仔曾浩儒（Tyrone），不過兩夫妻於2014年離婚，之後黎瑞恩為了獨力照顧一對年幼仔女而復出工作，更送了一對子女到澳洲留學。

黎瑞恩今日（27日）在社交平台宣布大女大學畢業了，並分享一系列她與女兒於畢業禮影的合照，場面溫馨！她感觸表示：「由你幼稚園畢業到你大學畢業，我都從未缺席過。」她透露看到女兒穿上畢業袍站上台的心情：「好像開水喉一樣眼淚湧出，心情真係非筆墨所能形容」。

黎瑞恩又表示：「20幾年我見證你由一粒豆，變成今日可以同我傾心事、車我去做街、提我『Mom你咁樣唔得㗎』等等，我真係覺得好神奇，你哋終於長大喇，可以照顧番我喇。好感恩上天將你兩個賜畀我，雖然有時好勞氣，但係有98%都係開心嘅。」而她更希望女兒可以自己發展的人生路：「你嘅人生自己話事，我只想你健康同快樂就夠喇。」網民紛紛送上祝福，並替黎瑞恩感到開心。

東網網站 : https://on.cc/東網Facebook專頁 : https://www.facebook.com/onccnews/