情人節前夕｜唱作歌手梁煒謙走一轉黃埔天地桃花園 大爆揀另一半有OO獲加分

仲有幾日就到農曆新年，今年黄埔天地門外被一遍粉紅花海籠罩，真係靚到極致。佈滿超過388個燈籠、大型祥馬燈籠，晚上亮燈時，密密麻麻的桃花映照出粉紅花海，再配上五光十色的璀璨燈飾，就連樂壇新人梁煒謙(表弟)及2026年新人、10歲獨立創作歌手陸海悠(Hazel)都特意到來打卡，順道跟聽眾們拜個早年。

22歲的梁煒謙去年以獨立唱作人身份出道，更於年尾的《新城勁爆頒獎禮》奪得「勁爆新人銀獎」，但其實他的真實身份是香港城巿大學醫學院生物醫學系四年級生，讀書跟唱歌同樣了得的他，新一年能否兩者兼顧呢？還是為做歌手而要暫時放棄學業呢？

自言屬羊的他笑言睇過生肖運程，得知今年羊仔運程大好，仲好貪心想要事業學業均順順利利：「科科靚grade，可以接多啲show，多啲人喜歡我嘅音樂！」不過，今年不再是新人，正式與師兄師姐們較量爭奪「男歌手獎」，表弟直言：「我覺得都係保持返鍾意音樂嘅初心最重要，做好自己就足夠啦！希望可以挑戰啲型格啲嘅曲風或者形象，畀大家一個新鮮感！」他說，目標是先爭取頒獎禮入場券，倘能奪獎就當是贏得bonus。

明天就是情人節，作為學界尖子的表弟今次到黃埔天地，走了一轉「幸福緣定桃花園」，是否想新一年喜結良緣，拍拍拖趁機會脫單呢？表弟笑言：「其實感覺嘅嘢好難講嘅，最緊要心地善良就OK 啦！」緣份，一向是話來就來，不過表弟自爆揀女友有個「加分位」，「希望佢係一個鍾意聽我唱歌、support我去做歌手嘅女仔！」

提到新一年大計，他透露即將會有第一首派台歌，但暫時未計劃創作合唱歌，「要搵吓欣賞嘅歌手一齊玩，例如雷同二友。」他更不排除搵師傅黃翊合作，看看能否擦出火花，「我哋都未試過合作，睇吓將來有冇機會！」

圖片：新城廣播