黃建東犧牲色相　同蝦頭惡搞《多功能老婆》

無綫藝人黃建東（東東）同楊詩敏（蝦頭）繼早前拍攝惡搞聖誕特輯及《延禧攻略》後，最近更惡搞《多功能老婆》，再度飾演搞笑夫妻變身《多功能夫妻》！東東笑言二人成為了TVB另類金童玉女：「蝦頭是我最愛的女演員之一，每一次合作都很享受，因為她的搞笑和創作能力很厲害，而且我覺得佢骨子裏真的很性感。今次我要着住條超短孖煙囪擘髀拍攝，實在是犧牲色相，希望觀眾唔會睇到太反胃。」

扮周柏豪被讚似樣

今次這條片是衰婆篇，過幾日會再出一條衰公篇，東東話到時會扮周柏豪，拍攝時導演都話某些角度好似柏豪，氹到東東心花怒放！另一邊廂，蝦頭都覺得跟東東做貼地夫妻是最好的拍檔：「我哋大家都好信任對方，而彼此又肯即興度橋創作，所以每次合作都都可以刺激對方演出好有火花，笑料滔滔不絕。今次更加係我第一次扮豬笑，睇到大家咁鍾意真係好開心。」二人都表示好珍惜同大家合作，期待衰公篇可以帶更多火花和笑料給大家。

東網網站 : https://on.cc/

東網Facebook專頁 : https://www.facebook.com/onccnews/