吳香倫患致命皮肌炎　曾歷喪妻陳榮峻：點解又係我

成功譜出「黃昏戀」的無綫藝人陳榮峻、吳香倫恩愛無比，近年更以夫妻檔出演《愛．回家之開心速遞》，朝夕相對，羨煞旁人。惟好事多磨，兩年前，二人於新婚時，香倫患上肺炎，花了半邊肺，蜜月之旅機乎不能成行，但夫婦亦抱樂觀態度，及時行樂，返港後繼續醫病，不過香倫的肺炎持續，經過近一年多的檢驗和醫治，並先後入院割手指和大髀肌肉組織化驗，最後確診皮肌炎，這個罕見兼病徵不明顯的惡症，於三年前奪去藝人魯芬性命。面對新婚太太患有這個惡症，曾歷喪妻之痛的陳榮峻，心情跌至谷底，他自喻為命運似坐過山車，擔心再失去至愛而心中浮現出「點解又係我」這一句！

夫婦二人接受東網訪問坦言經歷病痛要更珍惜彼此，陳榮峻再向吳香倫派定心丸稱要照顧一世而感動落淚，他表示：「醫生成日都急Call返去Check嘢，都好驚，太太驗出肌肉酵素比平常人高出幾倍，所以佢啲關節好痛，手指又腫，戒指都戴唔落，初頭以為佢類風濕關節炎，佢又話手痹，我以為佢成日打機累事，再見佢啲手甩皮，又以為佢主婦手，我咪幫佢做晒啲家務，最後驗血報告話啲病菌攻擊佢嘅皮膚、心臟、腦、肺，成個人都好攰，不過醫生都有安慰我哋，話好彩發現得早，呢隻唔係最惡嘅菌，我哋先放心，（肺部康復情況理想？）有1/3纖維化，要靠做帶氧運動恢復，所以我哋成日行山！」

問到香倫如何報答老公照顧？她感動落淚稱：「煮餸我唔識但我想學煮畀佢食！」陳榮峻聞言即說：「其實你唔使學，我應承照顧你一世！我哋呢個年紀，最想係日日一齊買餸煮飯，我已經好滿足，無牽掛享受餘生！」

場地：Pier1929@灣仔碼頭

東網網站 : https://on.cc/

東網Facebook專頁 : https://www.facebook.com/onccnews/