曾樂彤被指拘謹爆喊　自認以前放得太開

英皇歌手曾樂彤出道以嚟都係開朗活潑健談，但唔知係咪同前年嘅「咪嘴風波」有關，事後雖然佢仍不失活潑，但就比以前變得慎言。日前佢就喺社交平台吐心聲，坦言朋友話佢依家變得拘謹，令佢聽完即崩潰爆喊：「拘謹，最近幾個友人給我的形容詞，剛聽到的時候我覺得有點搞笑，然後竟然笑着笑着就崩潰了，從甚麼時候開始我由一個放得太開的人，變成了一個拘謹的人，大概是上了生命中躲不開的很多課。人生真有趣，當你覺得把自己收起來路才可以繼續走的時候，突然又會有人提醒你是時候把自己釋放出來，真係玩死你。」

佢上載咗幾張以前演出舞台劇嘅相片，呻完之後，就用嚟幫自己打氣，繼續努力向前行：「看着照片裏舞台上的自己多快樂，提醒自己沉澱過後就要繼續趕路，用緩下來的力氣再爆發！」一眾圈中朋友同網民紛紛留言鼓勵佢，其中蔡嘉欣表示：「放得太開就成了非主流，可是拘謹又失去了個人特色，在兩者之間，不要忘記開心做自己！」

東網網站 : https://on.cc/東網Facebook專頁 : https://www.facebook.com/onccnews/