係愛呀！章子怡錫個仔錫出雙下巴

子怡錫個仔肉緊到錫出雙下巴。

平日嘅佢好高貴，對自己儀容一絲不苟。

章子怡同汪峰婚後誕下一子一女，再加上繼女小蘋果，一家五口幸福到爆。子怡依家更有仔萬事足，但遇上開工日子，難免心掛掛，佢就喺社交網Post同囝囝溫馨照，只見相中佢抱住囝囝親吻對方額頭時，成個雙下巴出晒嚟，佢留言：「親兒子我是認真的，被愛擠出來的雙下巴充分證明，出差了，想他。」雖然成個雙下巴出晒嚟，仲被網友笑：「我想捏一捏這個雙下巴！」、「你不說我還以為你胖了！」但子怡都冇所謂，因為有愛嘛！