陳詠詩拋胸唔使問男友　拒學李尹嫣上《唱錢》

應屆港姐冠軍陳詠詩、季軍袁文靜、「最上鏡小姐」李尹嫣、陳曉東、黎諾懿等晚上在灣仔出席慈善晚宴。陳詠詩以低胸性感晚裝示人，盡展big爆身材，問到穿着得如此性感可要男友批准？她笑說：「唔使，件衫自己揀嘅自己鍾意着咩就着咩，不過，試衫嗰陣都有影相畀佢睇，佢都話好靚。」袁文靜和李尹嫣的晚裝相對失色，她們皆指服裝是公司安排。

李尹嫣最近參與《唱錢》節目，但被指唱歌似讀歌？她則說：「過到關就得，呢個係上《唱錢》嘅戰術，如果focus喺唱歌技巧上就過唔到關。」她指對唱歌有興趣，希望公司能發現她美妙歌聲，現在為音樂節目擔任主持，也希望拍攝古裝劇集三線發展。問到陳詠詩可有興趣上《唱錢》節目挑戰歌藝？她耍手擰頭說：「希望唔好叫我唱歌，跳舞就OK。」

擔任表演嘉賓的陳曉東透露下月將推出黑膠碟，身為黑膠迷的他，由張國榮的黑膠碟開始儲起，對實體碟情有獨鍾，亦對品質要求嚴格，他說：「今次會推出雙碟，有舊歌、有新歌。」將於6月舉行30周年演唱會的他指上次在港開騷已經是2019年，相隔7年今次一定會為粉絲帶來新意和驚喜，演唱會詳情先賣關子，稍後再公布，他又分享到演唱的蝦碌趣事，演唱會4月將公開賣飛，但因演唱會隧道口廣告會提早3月中出街，故想出對策提早於3月中預售門票。

黎諾懿太太李潔瑩早前在社交網透露屋企出現蝙蝠，露台地磚更裂開，諾懿指爆磚可能與冷縮熱漲有關也問過師傅，師傅稱是好事，紫氣東來，他說：「屋企新年擺咗桔應節，蝙蝠可能係嚟食桔，仲食咗幾日添老婆問我蝙蝠係咪有寓意，我話唔知道，只係知道蝙蝠多菌，都有叫姐姐做好清潔，我都係第一次見咁大隻蝙蝠，相信呢對蝙蝠都係好意頭，蝙到福到。」講到好友李佳芯獲提名金像獎「最佳新演員」，他恭喜對方，祝福她在電影圈發光發亮。

東網網站 : https://on.cc/東網Facebook專頁 : https://www.facebook.com/onccnews/