葉文輝一張合照掀YMC台回憶殺　一姐Monique激罕曝光

新城電台DJ葉文輝（啤梨）曾擔任有線年輕人節目YMC台的主持，日前他跟多位YMC台的舊同事食飯慶生，一張合照勾起不少集體回憶。啤梨在社交網上載跟歐綺霞（Monique）、王志海（Brian）及李穎雯（雯雯）的合照，雖然YMC台停播多年，但啤梨私下經常跟舊友見面，他寫：「都唔記得第幾年同Monique、Brian、雯雯一齊慶祝。今次出嚟見面，大家傾到餐廳閂門，再企喺門口繼續傾，講咗10次拜拜都唔捨得走，大家雖然各有各忙，但關係依舊，下次再聚又要飛10幾個鐘飛機，一於下次約喺第二個城市等啦。」

現時任職新城電台廣播網絡電視（MBO TV）台長的啤梨仍活躍於娛樂圈，但Monique則息影多年，已嫁給年長10多歲的富商丈夫，過着無憂無慮的闊太生活；至於Brian有多重身份，兼任戲劇治療師、活動策劃、司儀及主持人等工作；而雯雯已經移居美國，並於當地從事地產行業。

東網網站 : https://on.cc/東網Facebook專頁 : https://www.facebook.com/onccnews/