網上熱話｜紙碗裝熱湯難受力 港女慘遭燙傷大腿崩潰發文：邊個發明紙碗
自從香港實行走塑令後，大部分塑膠餐具都不能再使用，只好轉用紙餐具，惟紙製的餐具沒有塑膠般堅韌，令不少市民都大為不滿。早前，一位港女食飯時，因為餐廳用紙碗裝熱湯而釀成意外，慘遭燙傷大腿之外，亦引來大批網民批評用紙餐具貴夾唔好用！
走塑下轉用紙餐具 裝熱湯難受力
香港實行走塑令已經一段時間，第一階段實施後，已有大批市民大呻唔方便，只因紙製餐具難用之餘，又帶有陣陣紙味，影響進食及味道。環境及生態局局長謝展寰近日接受電台訪問指，將在1至2個月內推出第二階段走塑試驗計劃。眼見走塑越行越前，不少市民卻對此越來越頭痕。日前一位港女就在社交平台上發文，直指自己食飯時，因為餐廳用紙碗裝熱湯而釀成意外，更無奈狠批「邊個發明紙碗」。
港女慘遭燙傷大腿
從她上傳的照片中，可見事主當日正在食海南雞飯餐，而其中一碗疑似雞湯亦用紙碗盛載，當她一拎起紙碗想飲湯時，紙碗「自動對摺」，令到熱湯灑在她的大腿上。慘遭燙傷大腿的她崩潰表示「碗湯好熱…我好痛」、「真係越諗越嬲」。
網民鬧爆成本高兼唔好用
事主的慘痛經歷引來不少網民熱議，大部分網民均對紙餐具感到不滿，狠批「最憎紙餐具，其實紙兜全部入面有層coating，一樣係唔環保，仲唔知會唔會致癌」、「木餐具咪一樣要斬D樹黎做，唔覺有乜咁環保」，亦有人指「其實就算最cheap嘅都貴過膠碗，紙兜成本係好貴，以前膠羹膠碗可以幾毫子一套，而家紙羹紙碗一套成本差唔多2蚊」、「仲有紙飲筒7毫子一支，督個檸檬就爛」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)