寵你一世｜馮盈盈首帶愛犬影寫真哭成淚人

戴祖儀、陳懿德、游嘉欣主持的無綫節目《寵你一世》後晚（28日）播出第3集，洪永城（Tony）攜同愛犬Molly挑戰水上活動；馮盈盈亦會帶同愛犬波子到影樓拍攝寫真，更會跟陳懿德體驗「動物醫生」工作日常。

洪永城4年前透過動物領養中心從繁殖場收養Molly，Molly經過他與太太梁諾妍悉心照料後變成現在的開心狗狗。Tony感激Molly為其一家四口帶來不少快樂回憶︰「佢係大家姐，幫我睇住兩個妹（兩個囡囡），亦提供咗好多歡樂畀我哋。」對Molly疼愛有加的Tony，落水後因害怕酷熱天氣令Molly不舒服，不斷將冰涼的海水潑到Molly身上。身穿泳衣的戴祖儀也有幫忙照顧Molly，其間因小蠻腰及長腿更意外搶Fo。事後，Tony感嘆過程辛苦但值得：「比起照顧小朋友真係更加攰，要驚佢周圍亂食嘢，又要驚佢衝落水踩到玻璃。雖然攰，但對我哋係難忘嘅體驗。」

Tony還分享了Molly有趣又轉折的「尋親」感人小故事，原來梁諾妍愛在社交網分享Molly生活照，有天一位狗主傳來私訊，說家中愛犬與Molly的笑容太相像，經過一輪聯絡及交換狗隻晶片號碼後，竟得出Molly是對方狗狗母親的消息！Tony說：「然後陸陸續續都發生咗相同嘅事，就係咁Molly搵番佢其中4個小朋友，依家大家間唔中都會約出嚟，當親子聚會。」

首帶愛犬波仔影寫真的馮盈盈看到成品時竟感動落淚：「我覺得呢張相對我哋好大意義，因為其實波子仲有個同胎家姐，但家姐之前過咗身，佢過身時我哋先發現冇影過一輯咁正式嘅相，所以喺佢告別儀式上諗『早知影輯寫真』。有咗今日呢啲相，我諗後面就算發生咩事，都唔會有遺憾。」她又笑言為了拍攝這輯寫真，足足緊張了一個星期。

（即時娛樂）