曾樂彤離開英皇　樂做獨立歌手：最緊要靠自己！

前英皇小花曾樂彤早前答應男圑MIRROR御用音樂監製徐浩求婚後，依然事業心強勁，日前參與校園騷宣傳新歌《Click Me》及《蚊子血》，過去曾對歌手身份感迷茫，直到去年以獨立歌手再戰樂壇，現愈來愈清楚自己音樂風格的她表示：「我想鼓勵同學仔，最緊要靠自己，只有自己先唔會背叛自己。無論任何時候，一定要鞏固實力，知道自己嘅興趣喺邊，咁就一定唔會衰㗎啦！」

同場還有歌手陳慧敏唱出《趁我們還有》及《風之谷》，甚有個人風格的她，默默發展自己的音樂事業，她說：「有時唔可以淨係堅持己見，咁會變得好固執，但又係咪要聽從人哋嘅意見呢？我覺得要學習同平衡，相信到最後無論初心係點，都會覺得自己做得唔錯，學到嘢咁就夠啦。」至於組合PER SE與歌手黃泓祖（CotaBoii）一靜一動的演出，同樣為同學輸出正能量，獨立樂隊REVERY更壓軸登場，師生被音樂感染，不時歡呼尖叫。

東網網站 : https://on.cc/東網Facebook專頁 : https://www.facebook.com/onccnews/