尊尼特普拍戲千金病危　多得「老Best」添布頓救駕

荷里活男星尊尼特普（Johnny Depp）與荷里活鬼才導演添布頓（Tim Burton）多年前已開始合作，每逢添Sir開戲都會預埋老友尊尼。而原來添更是尊尼女兒Lily-Rose Depp的「救命恩人」。

尊尼早前於添布頓的紀錄片集《Tim Burton: Life in the Line》中現身說法，他表示視對方為「家庭的一部分」。尊尼表示2007年與添拍攝電影《魔街理髮師》（Sweeney Todd: The Demon Barber of Fleet Street）時幫過他很大忙，他說：「添拍攝《魔》作出重大犧牲。」尊尼透露拍攝期間他的7歲女兒Lily-Rose突然腎臟衰竭，對此他仍然猶有餘悸：「佢（女兒）個腎突然停止運作。佢染上大腸桿菌。醫生要佢洗腎，而我當時必須打畀添，同佢講：『老友，我要辭演《魔》。我好對唔住，但我唔能夠工作直至我個B好番。』而添就同我講：『兄弟，你唔好咁講喇。無論需要做啲咩，我哋都會去做。佢（Lily）會冇事嘅。我哋會解決。』」最後因此而停拍幾星期。

尊尼表示當時與女友即Lily母親Vanessa Paradis住在醫院3個半星期陪伴女兒，而他表示添在他致電求救之後一日已拎住紮花過來探望Lily，尊尼大讚添是偉大的uncle與契爺，自己好榮幸認識他。

東網網站 : https://on.cc/東網Facebook專頁 : https://www.facebook.com/onccnews/