唐寧黃寶龍激罕同框回憶殺：搞唔掂床戲！

8歲出道嘅女星唐寧，曾跟不少紅星張國榮、林青霞、周星馳、Beyond的黃家駒及王祖賢等合作，而數到「代表作」，莫過於是唐寧15歲時主演的電影《四個32A和一個香蕉少年》。而近期移民新西蘭並轉戰做網紅嘅唐寧，就暌違多年同黃寶龍激罕合體同框，傾起當年14、15歲一齊飾演情侶嘅趣事，特別係親身上陣拍多場吻戲及床戲。

由於當時二人都係初吻關係，印象亦十分深刻，唐寧回憶番第一場吻戲就係喺九龍塘及樂富附近公園拍攝，並表示自己當時係驚到喊：「副導演姐姐拖住我行公園，所以我咁記得個公園！」

而第二場難忘吻戲就係黃寶龍同唐寧係暗處激吻，黃寶龍透露當時要對唐寧又攬又摸又錫，所以自己都緊張到喊埋一份，更因為演技生硬畀導演鬧爆：「好尷尬唔想拍，第一日拍攝好唔順利，導演好唔開心就收工！」並表示係第二日嘅摸大髀等親密戲份，最後都係搵工作人員做替身拍攝：「所以大家睇近鏡頭隻手係大啲！」

東網網站 : https://on.cc/東網Facebook專頁 : https://www.facebook.com/onccnews/