電競女神呻屁股蛋「走光」　小S：心機女！

台灣「電競女神」邱萱（赤鬼伯伯）樣靚身材正之餘，更憑率直爽朗性格深受網友喜愛，而近日受邀上節目《小姐不熙娣》嘅佢，更透露不時喺直播時會唔小心「走光」，意外騷出屁股上嘅誘人微笑線，性感影片更喺網絡上有極高流量，不過小S（徐熙娣）則直接表示：「你心機很重！」

節目上，赤鬼伯伯透露每次直播未必都係打機，仲會配合企劃類型拍攝主題影片，例如着女僕裝去人哋屋企打掃等特別企劃，至於露屁股蛋一事，赤鬼伯伯雖然表示係「意外」，不過小S就唔太接受，直指：「分明就是故意的好不好？誰會不小心露出屁股蛋呀！」面對小S嘅指摘，赤鬼伯伯最後都承認道：「那個是刻意的。」令小S再次認定對方心機重。

東網網站 : https://on.cc/東網Facebook專頁 : https://www.facebook.com/onccnews/