政Whats噏：獄中首個聖誕節　譚凱邦飲熱水禦寒流

因為上年參與民主派「35+」初選、涉違反《港區國安法》嘅荃灣前區議員譚凱邦已經被還押10個月，而今年都係佢第一個喺獄中過嘅聖誕節。最近寒流襲港，不過譚就算買咗保溫杯，都無熱水飲，到底點解呢？

另一位荃灣前區議員潘朗聰尋日(26日)去探譚，形容一杯熱水已經係獄中嘅人最好嘅聖誕禮物，因為近日降溫，問及譚夠唔夠暖，譚就話日間喺活動室內有提供暖水，夜晚就有被同埋氈，但都只係勉強夠保暖咋。

雖然譚用獄中嘅工錢買咗個保溫杯，但係晚上臨進入囚室前卻無熱水提供，所以就算佢有杯都無熱水飲。譚就希望懲教署可以喺佢哋傍晚臨入囚室前提供熱水，話有杯暖水喺囚室人面過夜可以保暖好多，幫佢哋渡過寒冷嘅夜晚咁囉。

東網網站 : https://on.cc/東網Facebook專頁 : https://www.facebook.com/onccnews/