鹿晗關曉彤被爆疑領證　為瞞婚扮分手Del留言？

頂流男神鹿晗同內地女星關曉彤早前被傳分手，8年情不再，消息愈鬧愈大，點知尋日（10日）網上有人爆料指二人已領證嘅消息，頓時震撼網友，令「#疑似鹿晗關曉彤領證#」話題直登熱搜首位，更已有逾1.3億閱讀量，流量驚人。即使消息未必雙方當事人確認，但有網友就稱，近月鹿晗對女友相關話題避嫌，如今傳出結婚消息，即猜測佢係想保護女友所致。

其實早前鹿晗上月被拍得同影帝好友鄧超聚餐時，疑似街頭買醉，被鄧超全程搭膊頭安慰，雖然事後其工作室發聲明否認，不過同時關曉彤社交網就忽然刪走所有有關鹿晗嘅留言，又強調要專心事業，令網友不禁有所聯想。對於今次傳婚訊，亦有唔少粉絲都抱觀望態度，等二人官宣為證。加上今次爆料者早於2022年已經講過二人已隱婚，當時就被指係假消息，今次爆料可信性惹人場質疑。

東網網站 : https://on.cc/東網Facebook專頁 : https://www.facebook.com/onccnews/