顏米羔演唱會舉行在即　狂食「烚菜」Keep Fit

《中年好聲音 2》季軍顏米羔即將於9月25至26日迎來首個個人演唱會，以悟空為主題，為配合悟空，他於演唱會海報中穿上瀟灑紅衣，以蓄勢待發之姿現身於五指山之上，現正為個唱密鑼緊鼓準備的他將推出新曲《烚菜》，以強勁的旋律及親手創作的啜核歌詞，分享「一個人為了 Keep Fit 可以去到幾盡」的心路歷程，與所有正在為健康而過克己生活的朋友互勉。

顏米羔表示：「《烚菜》係首多年前由朋友作曲、我親自填詞嘅作品，一直都等梗一個最好嘅時機面世。最近為咗演唱會Keep Fit，嘴裏一邊哼着歌，一邊過着吃得清淡、密密運動嘅生活，從刻苦及律己中找到樂趣，所以決定將呢首玩味十足嘅歌曲公諸同好。」

他又說：「能夠舉行個人演唱會，透過我喜歡及對我有特別意義嘅歌曲，分享我喺追夢路上嘅高低起跌，訴說我心底最深處感受，一直都係我嘅夢想。如今夢想成真，興奮與感動難以言喻！演唱會命名為『keepGOing』，除咗取『米羔』中『羔』諧音外，仲代表咗喺音樂路及人生路上『keepGOing』嘅決心和理念。」

東網網站 : https://on.cc/東網Facebook專頁 : https://www.facebook.com/onccnews/